活着是为了追寻那份 真实的快乐 感恩的付出简单的喜悦 欢迎邀稿!请联络 : juneestation@gmail.com 亲子 | 保健 | 旅行 | 教育 | 美食 |

<师奶省钱大作战>,点入Baby Free Sample Request In Malaysia

2012年3月25日 星期日

Suatu Hari Di Bandar Sungai Kolok, Thailand (part 2)

Sesampai di Bandar Sungai Kolok, Thailand, baru handphone ambo dapat terimo signal Malaysia Telco...Telepon kat member ambo mace dok kat Malaysia sahajo.
Dale bandar Kolok terdapat macher-macher kedai, antaranyo...kedai kasut, kedai perhiasan diri, kedai make, kedai guno-pakai harian ( macer 99 speedmart or 7 eleven), hok 7 eleven edisi Siam pun ado kat sini.

Ambo dengan bini dan anok gi jale kat pasar siang. Dekat dengan jale keretapi Siam. Di sini macher-macher ado, ado mainan budok, ado pakaian dalam wanita, ado pakaian lelaki dan wanita, alatan dapur dan sebagainyo.

Gambor sebeloh kiri boleh cerito segalo-segalonyo...



















" MACHER-MACHER ADO.....!"

"Bare Hias Diri Terdapat Di sini. Murohnyo adik-kakok.."
"Bare Jam adik-kakok wei......banyok., tokleh nok kiro....Semuanyo molek-molek belako...."
"Bare pakaian dalam wanita adik-kakoknyo, boleh cari kat sini.."

Bare seperti pistol ado dijual disini...Buke tembok ore tetapi guno buat tembok haiwan kecil sahajo...
Anok, bini dan ambo sendiri gi jale-jale, tengok kut-kut kalu ado bare boleh beli...
Mata anok dah nampok bare dia....Dia kato kat moknyo yang dia nok gi main "kuda". 


Hargo setiap kali main, Dua riyar sahajo....Mainan kudo raso-raso dulu kat "Merry-Go-Round" tu pakai enjin buat jale mainan tersebut. Loni dah pakai current doh....
Gambor atas tu tando "Bagus".....syoknyo dia main.....Raso nok jadi budok pulok doh...


Anok ambo gi legok-legok kereto Siam, ditemani ibunyo yang disayangi...."Jangan tengok lamo-lamo, nanti ore siam maroh, ingat kito nok curi keretonyo pulok...."Katonyo ambo kat anok ambo dan ibunyo sekali...

Alamak!, maso nok kelik Malaysia, anok ambo sakit perut, nok berok...Ambo pun bawo gi masuk Wat, cari tempat, masuk kat tadika Siam. Mujurlah ado cikgu sano baik hati bagi anok ambo buat " pelaburan" kat situ...Haha....

Jam dekat 5.30 petang, ambo pun bawo kereto Ambo gi kat gate siam, chop passport dan masuk ke Rantau Panjang, Kelantan, Malaysia.


Depot Kastam dan Check Point, Sungai Kolok, Thailand, 75% siap dibino...


Ambil Gambor sekeluargo kat pintu masuk Sungai Kolok C.I.Q Complex., Thailand. (kamero letok kat bumbung kereto, nampok segek sikit)



- TAMAT -
Jumpo di lain maso.....

























1 則留言:

  1. pertamo kali ambo jupo ore cino tulih blog ikut loghat kelate.... hehehe... demo kelate duk alik mano boh?

    回覆刪除